فاروق دینچ پەرلەمانتاری هودا پار لە پەرلەمانی تورکیا کۆنگرەیەکی ڕۆژنامەوانی لەبارەی چەند پرسێکی گرنگی ڕۆژەڤ ڕێکخست.

فاروق دینچ پەرلەمانتاری هودا پار لە پەرلەمانی تورکیا کۆنگرەیەکی ڕۆژنامەوانی لەبارەی چەند پرسێکی گرنگی ڕۆژەڤ ڕێکخست و ئاماژەی بەوە کرد کە سەپاندنەکانی کەمالیست ڕێگری لە ئازادییەکان دەکات.

"هەر لە پەروەردەوە بۆ ڕاگەیاندن، لە لایەنە سیاسییەکانەوە تا بەڕێوبەرایەتی کاروباری ئایینی، فشاری ئایدۆلۆژیای فەرمی لە هەموو کایەیەکدا بەردەوامە"

دینچ ئاماژەی بەوە کرد کە لە چەند ڕۆژی کۆتاییدا سەپاندنەکانی کەمالیست دووبارە بوونەتە ڕۆژەڤ و وتی، "سەپاندنە درێژخایەنەکانی کەمالیستەکان لە تورکیا بەردەوامن لە کاریگەری لەسەر نزیکەی هەموو لایەنەکانی ژیانی کۆمەڵایەتی و سیاسی. ئەم سەپاندنانە وەک بەرتەسککردنەوەی ئازادییەکانی گەلەکەمان و گەندەڵکردنی کۆمەڵگا دەبینرێت. هەر لە پەروەردەوە بۆ ڕاگەیاندن، لە لایەنە سیاسییەکانەوە تا بەڕێوبەرایەتی کاروباری ئایینی، فشاری ئایدۆلۆژیای فەرمی لە هەموو کایەیەکدا بەردەوامە، کە دەبێتە هۆی نادادپەروەری و نایاسایی جددی لە هەردوو کایەی گشتی و تاکەکەسیدا."

"ئایدۆلۆژیای کەمالیزم پیرۆز دەکرێت؛ لێپرسینەوە لە دژی بیرە جیاوازەکان دەکرێت"

دینچ ئاماژەی بەوەدا کە حکومەت و ئەکتەرە سیاسییەکان هەڵوێستێکی ناوەکییان بەرامبەر کەمالیزم نیشان دا و وتی، "ئێمە لەبەردەم دۆخێکی نوێداین کە سیاسەتمەدارە موحافەزەکارەکان چیتر بە دوودڵی یان لە پێویست دەرچوون، وەک ئەوەی جاران بوون، بەڵکو بە ئارەزووی خۆیان کەمالیزم لە باوەش دەگرن. ڕێوڕەسمەکانی ڕۆژانە هەندێک تاک و ئایدۆلۆژیای فەرمی کەمالیستی پیرۆز دەکەن، لە کاتێکدا ئەوانەی بۆچوونیان جیاوازە، دەچنە ژێر فشار و لێکۆڵینەوە. نابێت ئەو سەپاندنانە قبوڵ بکرێن، و ڕێز لە ئازادی بیرو باوەڕی هەموو هاووڵاتیان بگیرێت. لەم چوارچێوەیەدا داوای گەڕانەوە بۆ بەها بنەڕەتییەکانی کۆمەڵگا دەکەین، جەخت لەسەر پێویستی ڕێزگرتن لە بیروباوەڕ و بۆچوونی هەمووان و کۆتاییهێنان بە سەپاندنی زۆرەملێ و پراکتیزە ناڕەواکان دەکەینەوە."

"ئەگەر ئێمە لەبری ئەوەی مامەڵە لەگەڵ حیجاب بکەین، مامەڵەمان لەگەڵ تەکنەلۆجیا و زانستدا بکردایە، ئەمڕۆ لەم دۆخەدا نەدەبووین"

دینچ ئاماژەی بەوە کرد، لە قۆناغێکدا کە دونیا سەرقاڵی زانست و تەکنەلۆجیا دەبێت تورکیا سەرقاڵی پاشماوەکانی ئایدۆلۆژیای کەملیاست دەبێت و وتی، "پێویستە ئێستا هەموو کەسێک بتوانێت بە ئازادی بیروڕای خۆی دەرببڕێت، کەسیش بە زۆر ناچار نەکرێتە ناو ئایدۆلۆژیایەکەوە. ئەوەی کە ئەم کێشەیە بەردەوامە، ئەوە نیشان دەدات کە وانە لە ئەزموونەکانی ڕابردوو وەرنەگیراوە. بەداخەوە ئەم ژەهرە لە ڕەگی هەموو ئەو شتانەدا بوو کە لە ٢٨ی شوباتدا ئەزموونمان کرد. هەزاران کچی گەنج خوێندنیان لەدەستدا، ساڵانێک مامەڵە لەگەڵ حیجابیدا دەکرا. وەک ئەوە وایە سەرپۆشەکە ڕێگری بکات لە چوونە ناوەوەی زانیاری بۆ مێشک و هەر ئەوەشە کە ئەوان مامەڵەی لەگەڵ دەکەن. بەڵام ئەگەر ئێمە لەبری باڵاپۆشی سەرنجمان لەسەر تەکنەلۆجیا و زانست و ئەخلاق و فەزیلەت بووبایە، ئەمڕۆ لەم دۆخەدا نەدەبووین."(İLKHA)